ပထမဆုံးမြန်မာ့လွတ်လပ်ရေးကို မျိုးစေ့ချပေးခဲ့သူ အာရှနီဝန်းအရှင် ဆရာတော်ဦးဥတ္တမ အတ္ထုပ္ပတ္တိအကျဉ်း

---------------------------------------------------- စစ်တွေမြို့၊ ရူပရပ်ကွက်၊ ကုန်သည်ဦးမြနှင့် ဒေါ်အောင်ကျော်သူတို့က ၁၈၇၉ခု၊ ဒီဇင်ဘာလ(၂၇)ရက်၊ တနင်္ဂနွေနေ့တွင် မွေးဖွားသည်။ငယ်စဉ်က လူနာမည်မှာ ပေါ်ထွန်းအောင် ဖြစ်သည်။ငါးတန်းအထိ ကျောင်းနေခဲ့သည်။စာသင်ကြားရာတွင် ထူးချွန်လွန်းသဖြင့် ရခိုင်တိုင်းမင်းကြီးက ဆုချီးမြှင့်သည်ကို နယ်ချဲ့သမား ချီးမြှောက်သောဆုကို အလိုမရှိသည့်ဆန္ဒဖြင့် ကုလားတန်မြစ်ထဲသို့ပစ်ချလိုက်သည်။ငယ်စဉ်ဘဝမှပင် နိုင်ငံရေးခံယူချက်နှင့် အင်္ဂလိပ်လက်အောက်မှ လွတ်မြောက်လိုစိတ်က ဤကဲ့သို့ ပြင်းထန်သည်။ စစ်တွေမြို့ ရွှေစေတီကျောင်းတိုက်တွင် အသက်(၁၆)မှာ ရှင်သာမဏေ ဝင်သည်။ရှင်`ဥတ္တမ´ဟု ဘွဲ့အမည်ကို ရသည်။ပိဋကတ်စာပေများကို သင်ယူရာတွင်လည်း သူမတူအောင် ထူးချွန်ကာ ပထမဆုများ ရရှိသဖြင့် ရှမ်းတကာမတစ်ဦး၏ အကူအညီဖြင့် အသက်(၁၇)နှစ်တွင် အိန္ဒိယပြည် ကာလကတ္တားမြို့သို့ ပညာသင်သွားရောက်သည်။ (၁၉)နှစ်တွင် အင်္ဂလိပ်ပညာ ဆယ်တန်းအောင်ပြီး ပြန်လာသည်။၎င်းနှစ်တွင် ပခုက္ကူမြိူ့၊ ရေစကြိုတိုက် မဟာဝိသုတာရာမကျောင်းသို့ သွားရောက်ကာ ပိဋကတ်စာပေများကို ဆက်လက်သင်ယူသည်။ ၎င်းကျောင်းတွင်ပင် ဆွေမျိုးတော်စပ်သူ ဘုံဘေဘားမားကိုယ်စားလှယ် ဦးထွန်းအောင်ကျော်က ဒါယကာလုပ်ကာ ရဟန်းအဖြစ်သို့ ခံယူသည်။တစ်ဖန် ကာလကတ္တားသို့ ပြန်ကြွပြန်သည်။ ဤခရီးသည် ဆရာတော်အား နိုင်ငံရေးနယ်ပယ်ထဲသို့ စတင်ဝင်ရောက်ဖြစ်မည့် ခြေလှမ်းအစဖြစ်သည်။ ထိုအချိန်က အိန္ဒိယတွင် အင်္ဂလိပ်လက်အောက်မှ လွတ်လပ်ရေးအတွက် ထကြွနိုးကြားနေချိန် ဖြစ်သည်။ ရာဘင်ဒရာနက်သ်တဂိုးနှင့် အိန္ဒိယရှိ နိုင်ငံရေးခေါင်းဆောင်များ၊ ပညာတတ်များသည် လွတ်လပ်ရေးအတွက် ရွပ်ရွပ်ချွံချွံ တိုက်ပွဲဝင်နေကြသည်ကို ဆရာတော် အားကျနေခဲ့သည်။ထိုစဉ် `ဗင်နို့ဂိုရှ်´ဆိုသည့် ICSအရာရှိတစ်ဦးက အလုပ်ကထွက်ကာ `အမျိုးသားကောလိပ်´ တည်ထောင်ပြီး ကျောင်းအုပ်လုပ်သည်။ အင်္ဂလိပ်လက်အောက်တွင် ကျွန်…ကျွန်ချင်း အတူတူဟု အမြင်ရှိသော ဆရာတော်သည် ၎င်းအမျိုးသားကောလိပ်တွင် ပါဠိနှင့် ဗုဒ္ဓဘာသာကို သင်ပြပေးရင်း အင်္ဂလိပ်နယ်ချဲ့ ဆန့်ကျင်ရေးကို အိန္ဒိယတွင် စတင်ခဲ့လေသည်။ အိန္ဒိယတွင်နေစဉ် ကွန်ဂရက်အသင်းကြီးဖြစ်လျှင် ဒုတိယအကြီးဆုံးအသင်းဖြစ်သည့် `ဟိန္ဒူမဟာဆပ်ဘာ´ အသင်းကြီး၏ ဥက္ကဌရာထူးကို… မဒရပ်ပြည်နယ်မှ ဟိန္ဒူလူမျိုး ခေါင်းဆောင်တစ်ဦးဖြစ်သည့် ပဏ္ဍိတ်ဘွဲ့ရ `မာလာဗီးယား´နှင့် ပြိုင်ပြီး အနိုင်ရရှိသည်။ဆရာတော်၏ အံဖွယ်သရဲ စွမ်းပကားပင် ဖြစ်သည်။အိန္ဒိယနိုင်ငံက ဆရာတော်ကို တိုင်းခြားသူဟုမမြင်ဘဲ သူတို့၏ခေါင်းဆောင်အဖြစ်ပင် အသိအမှတ်ပြုနေကြောင်း ထင်ရှားပေသည်။ ဤသို့ အိန္ဒိယတွင် စာသင်ကြားရင်း ဆရာတော်သည် အီဂျစ်နှင့် ပြင်သစ်နိုင်ငံများသို့ ဥရောပခရီးစဉ် ထွက်နေစဉ်… ၁၉၀၄ခုနှစ်တွင် ဂျပန်-ရုရှားစစ်ပွဲ၌ ဂျပန်တို့အောင်ပွဲခံ အနိုင်ရလိုက်သည်ကို အားကျပြီး မြန်မာနိုင်ငံ လွတ်လပ်ရေးအတွက် ဂျပန်တို့၏ နည်းဗျူဟာများကို အတုယူ၊ အားကျ၊ လေ့လာရန်လိုသည်ဟု မှတ်ချက်ပြုကာ ၁၉၀၇ခုနှစ်တွင် ဂျပန်သို့သွားရန်အတွက် ရန်ကုန်ကို ပြန်ခဲ့လေသည်။ရန်ကုန်ရောက်ပြီး ၎င်းနှစ်တွင်ပင် ဂျပန်သို့ ကြွပြန်လေသည်။ထိုအချိန်က ဆရာတော်အသက်မှာ (၂၈)နှစ် ဖြစ်ပါသည်။ ဂျပန်တွင်နေစဉ် အာရှတစ်ခွင်ကို စိုးမိုးသိမ်းပိုက်ထားသည့် အင်္ဂလိပ်တို့ကို တော်လှန်ရမည်ဟု ဂျပန်ရောက် အာရှတိုက်သားဟူသမျှကို စည်းရုံးလှုံ့ဆော်လေသည်။ဂျပန်ရောက် တက္ကစီမောင်းသမား အိန္ဒိယသား(၃၀၀)တို့အား ဆွေးနွေးဟောပြောခြင်း၊ ဘုံဘေနယ်၊ ဘာဂိုးဒါစတိတ်က ကျွန်စာရင်းအသွင်းမခံလို၍ အင်္ဂလိပ်လက်အောက်မှ လွတ်မြောက်ရေးအတွက် ဆရာတော်ကဲ့သို့ ဂျပန်အကူအညီကိုယူရန် ထွက်ပြေးလာခဲ့သူ တရုတ်ခေါင်းဆောင်ကြီး ဒေါက်တာ`ဆွန်ယက်ဆင်´နှင့် ဆွေးနွေးခြင်းတို့ ပြုလုပ်ခဲ့သည်။ဂျပန်နိုင်ငံအစိုးရ စက်မှုလက်မှုဝန်ကြီးဌာန၏ အထောက်အပံ့ဖြင့် ဂျပန်စာနှင့်စကားကို နှစ်နှစ်တိတိသင်ယူကာ တတ်မြောက်သည်နှင့် ဂျပန်ရှိ ဗုဒ္ဓဘာသာသိပ္ပံကျောင်းကြီး၌ သက္ကတဘာသာ ပါမောက္ခအဖြစ် စာပြလေတော့သည်။ ဂျပန်၌တွေ့ကြစဉ် `ဆွန်ယက်ဆင်´မှာ ဆရာတော်၏ အရည်အချင်းကို ချက်ချင်းရိပ်စားမိကာ တရုတ်လူငယ်များကို အမျိုးသားစိတ်ဓာတ် ထက်သန်လာအောင်၊ လူတော်/ကောင်း ဖြစ်လာအောင် ဆုံးမပေးပါဆိုကာ ဆရာတော်ထံ ပို့ပေးနေတော့သည်။တရုတ်လူငယ်များကလည်း ဆရာတော်၏ သြဝါဒစကားများကို လေးစားကြည်ညိုခြင်း ဖြစ်လွန်းကာ… ဤဆရာတော်အား တရုတ်နိုင်ငံသို့ ပင့်ဆောင်ကာ တရုတ်ပြည်ရှိ တက္ကသိုလ်ကျောင်းသား လူငယ်များကို ဟောပြောခြင်းများ ပြုလုပ်ပေးရန် ဆောင်ရွက်ပါဟု ဒေါက်တာဆွန်ယက်ဆင်ကို ပြန်လည်၍တစ်ဖန် တောင်းဆိုလာပြန်သည်။ ထို့ကြောင့် ဒေါက်တာဆွန်ယက်ဆင်ကိုယ်တိုင် လျှောက်ထားပင့်ဆောင်မှုကြောင့် ဆရာတော်သည် ဂျပန်တက္ကသိုလ်မှ ခွင့်သုံးလယူကာ ၁၉၀၉ခုနှစ်တွင် ကိုးရီယား၊ မန်ချူးရီးယား၊ ကျိဖု၊ ရှန်ဟိုင်း၊ အမွိုင်မြို့များသို့ လှည့်လည်၍ အင်္ဂလိပ်လက်အောက်မှ လွတ်မြောက်ရန် နိုင်ငံရေးတရားများ ဟောကြားရလေသည်။ ဟောပြောပွဲတိုင်းတွင် အံ့မခန်းသည့် လူပေါင်းများစွာ တက်ရောက်ကြပြီး `အာရှတိုက်၏မီးရှူးတန်ဆောင်´ဟု အော်ဟစ်ကြိုဆို ကြလေသည်။ထို့ကြောင့် ဆရာတော်ဦးဥတ္တမအား `အာရှနေဝန်းအသျှင်´ `အာရှတိုက်၏မီးရှူးတန်ဆောင်´ဟု ခေါ်ဆိုသမုတ်ကြသည်မှာ ရခိုင်လူမျိုးက စတင်ခေါ်ဆိုခြင်း မဟုတ်ဘဲ တိုင်းခြားသားများကပင် အသိအမှတ်ပြု စတင်ခေါ်ဆိုခဲ့ခြင်း ဖြစ်သည်ဟု သိမှတ်ထားရပါမည်။ထိုစဉ်ချိန်က ဆရာတော်၏ အသက်မှာ(၃၀)နှစ်။ ၁၉၁၀တွင် မြန်မာနိုင်ငံသို့ ပြန်လာခဲ့သည်။လမ်းတွင် ကိုးရီးယာ၊ တရုတ်ပြည်မှတစ်ဆင့် ပြင်သစ်နိုင်ငံမှပိုင်သည့် `ဆေးဂုံ´သို့ဝင်ကာ မြန်မာရှင်ဘုရင် အနွယ်တော် `မြင်ကွန်းမင်းသားကြီး´နှင့် တော်လှန်ရေးအကြောင်းကို ဆွေးနွေးခဲ့သည်။ထို့နောက် လွတ်မြောက်ရေးကိစ္စအတွက် မြန်မာသို့မဝင်ရောက်သေးဘဲ အိန္ဒိယမှ `ဘာဂိုဒါမဟာရာဇာ´နှင့် တွေ့ဆုံရန် ယိုးဒယားမှတစ်ဆင့် အိန္ဒိယနိုင်ငံ၊ မဒရပ်သို့ ကြွပြန်သည်။ဤအချိန်တွင် အင်္ဂလိပ်အစိုးရသည် ဆရာတော်၏ တော်လှန်းရေးခြေလှမ်းများကို သတိပြုမိလာပြီဖြစ်သည်။ထို့ကြောင့် အခွင့်မသာတော့သဖြင့် `ဘာဂိုဒါ´နှင့် မတွေ့နိုင်လိုက်တော့ဘဲ။သို့သော် အိန္ဒိယရှိ ဖမ်းဆီးခံ `သီပေါဘုရင်´နဲ့တော့ လျှို့ဝှက်စွာ တွေ့လိုက်ပြန်သေးသည်။ ဆရာတော်၏ မြန်မာ့မင်းဆွေမင်းမျိုးတို့အပေါ် အထင်ကြီးမျှော်လင့်စိတ်က တွက်ကိန်းလွဲသည်။ သူတို့သည် မြန်မာ့လွတ်လွပ်ရေးအတွက် ဘာမှစိတ်မဝင်စားတော့။အင်္ဂလိပ်တို့၏ ထားသလိုနေဘဝတွင် နေသားကျနေကြပြီ ဖြစ်သည်။ထို့ကြောင့် ဆရာတော်လည်း မြန်မာနိုင်ငံလွတ်လပ်ရေးအတွက် `ပြည်တွင်းကဘဲ´ လုပ်ဆောင်ရတော့မည်ဟု သဘောပေါက်ကာ မြန်မာနိုင်ငံထဲသို့ ပြန်ခဲ့လေတော့သည်။ ၁၉၁၁၊ သက်တော်(၃၂)ခန့်တွင် မြန်မာနိုင်ငံသို့ ပြန်ရောက်သည်။ဆရာတော်သည် ဘာသာစကား(၁၀)မျိုး တတ်ကျွမ်းသည်။၎င်းတို့မှာ (1)မြန်မာ (2)ပါဋ္ဌိ (3)ဟိန္ဒူ (4)ဘင်္ဂါလီ (5)သက္ကတ (6)နာဂရီ (7)အင်္ဂလိပ် (8)ပြင်သစ် (9)ဂျပန် (10)တရုတ်တို့ ဖြစ်သည်။ဆရာတော် ပြန်ရောက်ချိန်တွင် မြန်မာနိုင်ငံ၌ `သူရိယ´သတင်းစာကို ဦးဘဖေနှင့် ဦးလှဖေတို့က ထုတ်ဝေနေကြသည်။ဘာသာရေး အသင်းအဖွဲ့ငယ်များ ပေါင်းစုထားသည့် ရခိုင်လူမျိုး ဦးမေအောင် ခေါင်းဆောင်ပါဝင်သော YMBAအသင်းကြီးလည်း ဖွဲ့စည်း၍ရှိသည်။သို့သော် သတင်းစာရော အသင်းကြီးပါ မည်သည့် နိုင်ငံရေး၊ တိုင်းရေးပြည်ရေးမှ မပါဝင်ပါ။ဘာသာရေး၊ ကိုယ်ကျင့်တရား ကောင်းမွန်ရေး၊ ခြိုးခြံချွေတာရေး၊ ပညာဗဟုသုများလောက်သာ ဟောနေချိန်၊ ရေးနေကြချိန် ဖြစ်သည်။ ဆရာတော်က ၎င်းအရာတွေထက် လွတ်မြောက်ရေးကို နိုးဆွပေးသည့် တရာတွေကို ရေးသည်၊ ဟောသည်။ကြီးပွားရေး၊ တိုးတက်ရေး၊ ကျန်းမာပျော်ရွှင်ရေး၊ လူတန်းစေ့နေနိုင်ရေး၊ အသက်ရှင်သန်ရေးတို့ထက် တိုင်းပြည်လွတ်လပ်ရေးကိုသာ ပထမဦးဆုံး ညီညီညွတ်ညွတ် စုပေါင်းလုပ်ကြပါဟု ရဲရဲတောက် လွတ်လပ်ရေးတရားများကို မပြတ်ဟောခဲ့သည်။ရန်ကုန်ရှိ သူရိယနှင့် မန္တလေးမှ မြန်မာ့တာရာ သတင်းစာများတွင် နိုင်ငံရေးဆောင်းပါးများ မပြတ်ရေးခဲ့သည်။၁၉၁၇တွင် အင်္ဂလိပ်တို့က အိန္ဒိယကို ကိုယ်ပိုင်အုပ်ချုပ်ခွင့် ပေးလိုက်သောအခါ YMBAသည် ဆရာတော်၏ လုပ်ရပ်နှင့် တရားများအပေါ် ပို၍ယုံကြည်လာသည်။ ထို့ကြောင့် ဆရာတော်နောက်ကိုလိုက်၍ နိုင်ငံရေးအသွင် ပိုဆောင်နိုင်ရန် YMBAကိုလည်း မဖျက်ဘဲ GCBAဟု ဆင့်ပွားဖွဲ့စည်းလိုက်သည်။ ဆရာတော်သည် လွတ်လပ်ရေးတရားများကို မြို့ကြီး၊ မြို့ငယ်ပေါင်း အမြောက်အမြားသို့ အကြိမ်ကြိမ်အခါခါ လှည့်လှည် ဟောပြောနေသည်။နှိင်ငံခြားဖြစ် အဝတ်အထည်တွေကို ပယ်ရှား၍ ဝံသာနုပင်နီနှင့် ယောထမီကိုသာ ဝတ်ဆင်ကြရန် လှုံ့ဆော်သည်။ကမာရွတ်ရှိ ကျောင်းခန်းတစ်ခုတွင် တစ်ပါးတည်းနေကာ တိုင်းရင်းဖြစ်ဝတ်စုံကို ဆင်မြန်းလာသူကိုမှ လက်ခံစကားပြောသည်။ မြန်မာတွေကို ဝံသာနုစိတ်ဓာတ်တွေ ရိုက်သွင်းကာ ဝံသာနု ဖြစ်စေခဲ့သည်။ဆရာတော်၏ ပေါ်လစီများကို GCBAက ဆင့်ပွားလှုံ့ဆော် ဆောင်ရွက်သည်။ ထို့ကြောင့်လည်း အချိန်တိုအတွင်းမှာ မြန်မာနိုင်ငံ၌ ဝံသာနုအသင်းများ ပေါ်ပေါက် တိုးတက်လာသည်။ ဆရာတော် တရားဟောလျှင် နားရှင်းအောင် ဟောသည်။ရယ်စရာ၊ ပုံပြင်များ ကြားညှပ်ပါသဖြင့် နားထောင်သူများ မပျင်းရိကြ။သဘောကျ နှစ်သက်ကြသည်။ မှန်တာတွေကို မထောက်မညှာတာ ဒဲ့ဟောသည်။စင်ပေါ်မှနေ၍ အင်္ဂလိပ်အစိုးရကို စကားလုံးများဖြင့် တိုက်ခိုက်ရာတွင် စူးရှပိုင်နိုင် ပြင်းထန်လှ၍ နောင်တစ်ခေတ် သခင်များအတွက် စံထားအတုယူစရာ ရှေ့ပြေးအလင်းရောင် ကိုယ်တော်တစ်ပါး ဖြစ်လာခဲ့သည်။ရခိုင်သံဝဲဝဲဖြင့် တရားဟောရာတွင် အပိုအလိုမရှိ တက်ကြွ၍ မာန်ရှိသည့် ဟန်ပန်များက ဆရာတော်၏ အောင်မြင်မှုအထိမ်းအမှတ် သင်္ကေတများ ဖြစ်သည်။ ဆရာတော်၏ တရားပွဲများတွင် တရားနာသူတွေ တစ်စတစ်စ အလွန်များလာသည်။ သူရိယသတင်းစာမှလည်း ဆရာတော်အကြောင်းကို မြှောက်စားရေးသား ဖော်ပြသည်။ အင်္ဂလိပ်အစိုးရကလည်း ဘာမှမလုပ်သေးသဖြင့် နိုင်ငံရေးတရားနာ၍ `အဖမ်းမခံရဘူး´ဟု ဖြစ်လာကာ မြန်မာလူမျိုး အစိုးရလူကြီးများကပင် သူတို့မြို့နယ်တွေမှာ နိုင်ငံရေးတရား ဟောကြားရန် ဆရာတော်ကို ပင့်ဆောင်လာကြသည်။ ဆရာတော်ကလည်း ပင့်ဆောင်သမျှ မငြင်းပယ်ဘဲ အပင်ပန်းခံ တရားလိုက်ဟောသည်။ထို့ကြောင့် ဆရာတော်၏ နိုင်ငံရေးတရားများသည် နိုင်ငံတစ်ဝှမ်း ပျံနှံ့လာကာ မြန်မာတစ်ပြည်လုံး နိုင်ငံရေးစိတ်ဓာတ်များ စတင်နိုးကြားလာကြသည်။ ၁၉၁၂ခုနှစ်တွင် မြန်မာလူငယ်အချို့ကို ဂျပန်သို့ ပညာတော်သင် ပို့ဆောင်သည်။ဂျပန်တို့၏ အလုပ်ကြိုးစားပုံ၊ စည်းကမ်းရှိပုံ၊ တာဝန်ယူစိတ်ရှိကြပုံများကို လက်တွေ့ပြသခြင်း ဖြစ်သည်။ပြီးနောက် ထိုခရီးစဉ်မှ အတွေ့အကြုံ သိမှတ်ဖွယ်ရာများကို မြန်မာပြည်သူတိုင်း သိကြစေရန် စာအုပ်ထုတ်ဝေ ရေးသားဖြန့်ချီသည်။ အင်္ဂလိပ်အစိုးရသည် ဆရာတော်၏ ခြေလှမ်းများကို စိုးရိမ်ကြီးစွာ မျက်ခြေမပြတ် စောင့်ကြည့်နေသည်။ အစိုးသည် ဆရာတော်ကို မြှောက်ပေါင်းသော်လည်း မရ၊ ခြောက်သော်လည်း မကြောက်ဖြင့် ရပ်တန့်မရ ဖြစ်နေသည်။ ၁၉၂၀ပြည့် ဒီဇင်ဘာလတွင် ဆရာတော်၏ နိုင်ငံရေးမျိုးစေ့ ချပေးခဲ့သည့် အရှိန်အဟုန်သည် စတင် အညှောင့်ထွက်လာကာ တက္ကသိုလ်ကျောင်းသားသပိတ် ဖြစ်ပေါ်လာသည်။ ထိုအချိန်က ဘုရင်ခံမှာ `ဆာရယ်ဂျီနယ်ကရက်ဒေါက်´ ဖြစ်သည်။ ဆရာတော်မှာ `ငါသေပျော်ပြီ။ ငါတို့လူမျိုးတွေ ကိုယ့်အခွင့်အရေးကို တောင်းတတ်ပြီ´ဟု ဝမ်းသာစွာပြောခဲ့သည်။၎င်းအချိန်က ဗိုလ်ချုပ်အောင်ဆန်းမှာ (၅)နှစ်သားအရွယ်ဖြစ်သည်။ ဆရာတော်ကလည်း အမြို့မြို့အရွာရွာသို့ ကြွချီကာ လွတ်လပ်ရေးတရားကို ဟောနေသည်။ ထိုစဉ်အချိန်က ဝေလမင်းသား မြန်မာနိုင်ငံသို့ ရောက်လာမည်ဖြစ်၍ ဤသည်ကို မည်သူမျှမကြိုဆိုကြရန် YMBAအသင်းကြီးက လှုံ့ဆော်သည်။အစိုးရက `ဘွိုင်ကောက်´ဥပဒေ ထုတ်ပြန်ကာ ခေါင်းဆောင်အချို့ကို အဖမ်းပြလိုက်သည်။ပြည်သူများလည်း တစ်ဖန် ကြောက်သွားပြန်သည်။ပြည်သူများ၏ ကြောက်စိတ်ကို ဆရာတော်က သိမြင်လာ၍ `ဆာရယ်ဂျီနယ်ကရက်ဒေါက် မင်းမြန်မာပြည်က ထွက်သွား´ဟူ၍ စာတစ်စောင်ရေးပို့ကာ ၎င်းကို သူရိယသတင်းစာတွင် ဖော်ပြလိုက်သည်။၎င်းကို ဖတ်ရှူရသူ ပြည်သူတိုင်းက မျက်လုံးပြူးသွားကာ ဇာတိသွေး/မာန်တို့လည်း တစ်ဖန်တက်ကြွလာပြန်သည်။ ၁၉၂၁ခု မတ်လ(၁၀)ရက်နေ့တွင် ကျောက်ကုန်းမြို့၌ ဆရာတော်ကို အင်္ဂလိပ်အစိုးရက ပထမဆုံးအကြိမ် ဖမ်းဆီးလိုက်လေသည်။အကြောင်းပြချက်က… ယခင် ဆူးကလပ်ရွာကြီးတွင် တရားဟောသည့် `လိပ်အခွံခွာမည်´ တရားပါ အကြောင်းအရာများသည် အစိုးရကို အကြည်အညို ပျက်စေသည် ဟူသည့် စွဲချက်ဖြစ်ပါသတဲ့။အလုပ်ကြမ်းနှင့် ထောင်သုံးနှစ် ပြစ်ဒဏ်ချမှတ်ခံရသည်။ဆရာတော်ဦးဥတ္တမကဲ့သို့ နိုင်ငံတော်အဆင့် တိုင်းပြည်နှင့် နိုင်ငံအကျိုးကို ဆောင်ရွက်နေသူတစ်ဦးအား အင်္ဂလိပ်အစိုးရလက်ထက်တွင် `ပထမဆုံး´ ထောင်ချပြခြင်း ဖြစ်ပါသည်။ဆရာတော်အသက်မှာ (၄၁)နှစ်ကျော် ဖြစ်သည်။ ဆရာတော်ကို ထောင်ချလိုက်သဖြင့် သံဃာရော လူထုပါ အုံကြွလာသည်။သံဃာသာမဂ္ဂီ အဖွဲ့များ ဖွဲ့လာကြသည်။ထိုမှတစ်ဆင့် မဟာသံဃာသာမဂ္ဂီအဖွဲ့ဟု ဖြစ်ပေါ်လာသည်။အမျိုးသမီး ကုမ္မာရီအဖွဲ့တွေ မြို့တိုင်းလိုလိုတွင် ပေါ်ပေါက်လာသည်။ထိုမှတစ်ဆင့် ဆရာတော်အား ဖမ်းဆီးမှုကို ဆူပူအုံကြွ ကန့်ကွက်ကြသည်။ထို့ကြောင့် ၁၉၂၂ ဇွန်လ၂၆ရက်တွင် ဆရာတော်ကို ထောင်မှလွှတ်ပေးလိုက်ရသည်။ထိုစဉ်အချိန်က ဆရာတော် ဖမ်းဆီးခံရသည့်နေ့ကို `အမျိုးသားနေ့´အဖြစ် သတ်မှတ်ရန် ၁၉၂၁ အောက်တိုဘာလတွင် ကျင်းပခဲ့သည့် GCBAညီလာခံတွင် ပျဉ်းမနားမှ ဦးဒွေးဆိုသူက တင်ပြခဲ့သည်။သို့သော် ၎င်းနေ့သည် မြန်မာတို့အတွက် အနိုင်ရသည့်နေ့မဟုတ်၊ အရှုံးပေါ်သည့်နေ့သာ ဖြစ်သဖြင့် မသတ်မှတ်ခဲ့ကြဘဲ ပထမဆုံး ကျောင်းသပိတ် ပေါ်ပေါက်သည့်နေ့ကိုသာ အမျိုးသားနေ့အဖြစ် သတ်မှတ်လိုက်ရခြင်း ဖြစ်ပါသည်။ ဇွန်လတွင် ထောင်မှလွတ်ပြီး ဇူလိုင်လ (၁၅)ရက်တွင် ရန်ကုန် ဂျူဗလီဟော၌ မြန်မာအသင်းချုပ်ကြီး၏ အစည်းအဝေးတွင် အင်္ဂလိပ်တို့၏ အခြေအနေမကောင်းပြီးဖြစ်၍ တစ်ဆင့်လျှော့ နည်းပရိယာယ်ဖြစ်သည့် ဒိုင်အာခီကောင်စီသို့ မြန်မာနိုင်ငံရေးသမားများ မဝင်ကြရန် မေတ္တာရပ်ခံ ဟောပြောသည်။`ဒိုင်အာခီ´ဆိုသည်မှာ အင်္ဂလိပ်နှင့် မြန်မာများက အုပ်ချုပ်မှု အခွင့်အာဏာကို ခွဲဝေယူကြခြင်း ဖြစ်ပါသည်။သို့သော် မြန်မာ့နိုင်ငံရေးသမားတို့ကြားတွင် `ထိုင်ခုံမက်သည့်´ နိုင်ငံရေးသမားများ ရှိနေပြီဖြစ်သည်။ ဤဒိုက်အာခီ အုပ်ချုပ်ရေးစနစ်ကြောင့် GCBAအသင်းကြီး ထက်ခြမ်းကွဲသည်။ ဦးဘဖေခေါင်းဆောင်သည့် (၂၁)ဦးအဖွဲ့က ဒိုင်အာခီကို လက်ခံပြီး၊ ဦးချစ်လှိုင် ခေါင်းဆောင်သည့် ဝံသာနုအဖွဲ့က သပိတ်မှောက်သည်။ ဆရာတော်မှာ သူ၏လုပ်ငန်းစဉ်အတိုင်း အုပ်ချုပ်ရေးလမ်းစဉ်တွင် လိုက်မပါဘဲ တော်လှန်ရေး၊ လုံးဝလွတ်မြောက်ရေး တရာများကိုသာ နယ်လှည့်ဟောကြားနေခဲ့သည်။ ဤကြားထဲ ဥရောပနိုင်ငံများသို့လည်း သွားရောက်လေ့လာ နေခဲ့ပြန်သေး၏။သို့သော် ဤကာလတွင် အင်္ဂလိပ်အစိုးရ၏ နိုင်ငံရေးလှည့်ကွက်များကြောင့် ဆရာတော်ကို မလိုလားသည့် ထိုင်ခုံမက်နိုင်ငံရေးသမားများ ရှိနေကြပြီ ဖြစ်ပါသည်။ထို့ကြောင့်လည်း ၁၉၂၄ခု သြဂုတ်လ(၆)ရက်တွင် မန္တလေးသို့ ဆရာတော်တရားဟော ကြွရောက်လာမည်ကို ဦးဘဖေဦးဆောင်သည့် (၂၁)ဦးအဖွဲ့က ငါတို့အစည်းအဝေးကျင်းပနေချိန်နှင့် တိုက်ဆိုင်နေသည်။ဆူပူမှုမဖြစ်ရဟူသော အကြောင်းပြချက်ဖြင့် ဆရာတော်အား စီတန်းလှည့်လည် ကြိုဆိုကြမည့် ပြည်သူများကို ပုလိပ်ဖြင့် ကြမ်းတမ်းစွာ လူစုခွဲခိုင်းသဖြင့် ရဟန်းတစ်ပါး ကွယ်လွန်သည်အထိ ဖြစ်ခဲ့ကာ ဆရာတော်၏ တရားပွဲလည်း ပျက်ခဲ့ရသည်။ ဆရာတော်ကိုလည်း ပုလိပ်များခြံရံလျှက် ရန်ကုန်သို့ ပြန်ပို့လိုက်သည်။ထို့နောက် များမကြာမှီ ရန်ကုန်၊ လမ်းမတော် မြို့လုံးကျွတ်အစည်းအဝေးတွင် `အင်္ဂလိပ်အစိုးရက တုတ်နဲ့ခေါက်ရင် မြန်မာတွေ အစွယ်ပေါက်ကြပါ´စသော အစိုးရဆန့်ကျင်ရေး၊ ဒီမိုကရေစီနှင့် လူ့အခွင့်ရေးတရားကို ရဲရဲတောက် ဟောကြားလေသည်။ထို့ကြောင့် (၇)ရက်ကြာသည်နှင့် ဆရာတော်အား ဒုတိယအကြိမ် ဖမ်းဆီးလေသည်။ ထောင်ဒဏ်(၃)နှစ် ချမှတ်သည်။သက်တော်(၄၅)နှစ်။ ၁၉၂၇ခုနှစ် ဖေဖေါ်ဝါရီလတွင် နှစ်စေ့၍ ပြန်လွတ်လာသည်။ထောင်မှထွက်သည်နှင့် အမျိုးသားလွတ်မြောက်ရေး တိုက်ပွဲက ပြန်စမြဲပင် ဖြစ်သည်။ပဲခူးမြို့တွင်ကျင်းပသည့် လူထုအစည်းအဝေးကြီးတွင် သင်္ကန်းကိုချွတ်ပြီး ထောင်ဝတ်စုံဖြင့် တက်ရောက် တရားဟောပြသဖြင့် လူထုပရိဿတ်မှာ ငိုကြွေးကြသည်။၁၉၂၇ မတ်လ(၂၀)ရက်နေ့တွင် ဦးစိုးသိမ်း GCBA၏ ၁၄ကြိမ်မြောက် အစည်းအဝေးတွင် မိန့်ခွန်းပြောကြားသည်။ ထို့နောက် အိန္ဒိယပြည် မဒရပ်ရှိ အိန္ဒိယအမျိုးသား ကွန်ဂရက်သို့ ဖိတ်ကြားမှုကြောင့် တက်ရောက်ခဲ့ပြန်သည်။ အိန္ဒိယမှပြန်လာပြီး ဆထက်တပိုး နိုင်ငံရေးတရားများ ဟောပြောလေရာ မန္တလေးတွင် အဓိကရုန်းဖြစ်ပေါ်လာသည်။ ထို့ကြောင့် ၁၉၂၈ခုနှစ်တွင် ကျိုက်ထီးရိုးမှအပြန် ကျိုက်ထိုဘူတာတွင် တတိယအကြိမ် ဖမ်းဆီးခံရသည်။အလုပ်ကြမ်းနှင့် ထောင်၃နှစ် ချမှတ်သည်။ သက်တော်(၄၉)နှစ်။ ဗိုလ်ချုပ်အောင်ဆန်းက (၁၃)နှစ်အရွယ်။ တတိယအကြိမ် ထောင်မှလွတ်ပြီးနောက်လည်း နိုင်ငံရေးတရားများကို ဟောကြားနေခဲ့သည်။ ပျံလွန်တော်မမူမှီ တစ်နှစ်အလို ၁၉၃၈ခုနှစ်တွင် တရုတ်၊ ဂျပန်တို့၏ စည်းကမ်းရှိပုံများကို မြန်မာတို့အားကျစေရန် ဓာတ်ပုံများ ဝေဝေဆာဆာဖြင့် စာအုပ်ထုတ်ခဲ့သေးသည်။ ဤသို့ဖြင့် ဇရာ၊ ဗျာဒိ၊ နှိင်ငံရေးခံစားချက် စိတ်ဒဏ်ရာများ ဖိစီမှုဖြင့် ဆီးချိုရောဂါ၊ ခြေထာက်ကင်ဆာ ရောဂါဒဏ်များကို ခံစားရင်း လူအင်အား၊ ဦးနှောက်အင်အား ချို့တဲ့လာကာ ၁၉၃၉ စက်တင်ဘာလ (၉)ရက်နေ့ ညည့်သန်းခေါင်ကျော် ၁နာရီ ၃၅မိနစ် (စနေနေ့သို့အဝင်)တွင် ပျံလွန်တော်မူခဲ့သည်။ သက်တော်(၆၀)။ ဆရာတော်ပျံလွန်သည့်နေ့ကို ဦးဥတ္တမနေ့ဟု ထိုခေတ်က ပြည်သူ့လွှတ်တော်မှ တရားဝင် သတ်မှတ်ကြေငြာပေးသည်။ကန်တော်မင်း ပန်းခြံကို ဦးဥတ္တမပန်းခြံဟု ပြောင်းလဲသတ်မှတ် လိုက်သည်။ဆရာတော်မွေးဖွားရာ စစ်တွေမြို့တွင်လည်း ဦးဥတ္တမ ပန်းခြံတစ်ခုကို ပြုလုပ်ပေးခဲ့သည်။ ဆရာတော်၏ ဘဝနိဂုံးပိုင်းသည် ဝမ်းနည်စရာကောင်းသည်။နိုင်ငံရေးသမားတို့၏ လူမှုရေးမရှိမှု၊ ကျေးဇူးတရား မသိတတ်မှုများကို သိသာထင်ရှားစေသည်။သင်ခန်းစာ ယူစရာများ ပြည့်နှက်နေသည်။ခေတ်ကလည်း ဗိုလ်ချုပ်အောင်ဆန်းခေတ် ရောက်နေပြီကို…။ ၁၉၃၇-၃၈တွင် ဗိုလ်ချုပ်သည် မြန်မာနိုင်ငံလုံးဆိုင်ရာ ကျောင်းသားသမ္မဂဥက္ကဌ ဖြစ်လာနေပြီ ဖြစ်သည်။ တတိယအကြိမ် ထောင်မှလွတ်လာပြီး အသက်အရွယ်ရ၊ ရောဂါဘယ ထူပြောလာသော ဆရာတော်ကို မြန်မာနိုင်ငံရေးသမားများသည် လွန်စွာ ဂရုမစိုက်ချင်တော့ပေ။မိမိမျှော်မှန်းသလို ဖြစ်မလာသည့် မြန်မာ့နိုင်ငံရေးကို ဆရာတော်ကလည်း စိတ်ကုန်လာသဖြင့် အိန္ဒိယရှိတပည့်များထံ သွားရောက် အနားယူနေသည်။ ဒါကို ၁၉၃၅ခုနှစ်တွင် ၉၁ဌာနအုပ်ချုပ်ရေးအတွက် ရွေးကောက်ပွဲ ဖြစ်ပေါ်လာရာ `ငါးပွင့်ဆိုင်´အဖွဲ့က သူတို့အတွက် မဲဆွယ်ပေးပါရန် အိန္ဒိယထိ လာရောက်အကူအညီတောင်းသည်။ပုဂ္ဂိုလ်ရေး ခင်မင်မှုနှင့် နိုင်ငံရေးစိတ် ရှိနေသေးသည့် ဆရာတော်မှာ ကိုယ့်နှိင်ငံသားတွေ လာခေါ်တော့ မြန်မာနိုင်ငံသို့ ပြန်ကြွလာခဲ့သည်။ ဆရာတော်၏ မဲဆွယ်မှုကြောင့် ငါးပွင့်ဆိုင်အဖွဲ့ အနိုင်ရသည်။အနိုင်ရတော့ အစိုးရလုပ်လိုသူ ဝန်ကြီးဖြစ်လိုသူ များသဖြင့် အစိုးရမဖွဲ့နိုင်သည့်အထိ ရှက်ဖွယ်လိလိ ဖြစ်ခဲ့သည်။ထို့ကြောင့် အင်္ဂလိပ်ကပင် ဒေါက်တာဘမော်ကို ညွန့်ပေါင်းအစိုးရ ဖွဲ့ခိုင်းရသည်။ဤလောက်ထိ ထိုင်ခုံမက်ခဲ့ကြသည်။ငါးပွင့်ဆိုင်အဖွဲ့သည် လွှတ်တော်ကို အမတ်ဦးရေ အများဆုံးဖြင့် ထိန်းချုပ်နိုင်ခဲ့သည်။ဤသို့ ငါးပွင့်ဆိုင်အဖွဲ့ အောင်မြင်သွားတော့ ဆရာတော်ကို လှည့်ပင်မကြည့်တော့။ဂရုစိုက်မည့်သူ မရှိတော့။ ဆီးချိုရောဂါလည်း ပိုဆိုးလာကာ ခြေထောက်တစ်ဖက်မှာလည်း ကင်ဆာဖြစ်နေ၍ ဖြတ်ပစ်ရမလို အခြေအနေဆိုးလာသည်။ နိုင်ငံရေးတရားများလည်း မဟောနိုင်တော့သဖြင့် အနားတွင် ကိုးကွယ်မည့်သူ မရှိဖြစ်လာကာ ဟောင်းနွမ်းစုတ်ပြတ်နေသည့် သင်္ကန်းကို ဝတ်လျှက် ထီး ဖိနပ်မပါဘဲ လွယ်အိတ်တစ်လုံးလွယ်ကာ အရူးပမာ ဘဝကိုကြံကြံခံရင်း ကြေကွဲစရာ ဖြတ်သန်းနေခဲ့သည်။ထိုအချိန်တွင် သူသင်ပေးလိုက်သည့် တပည့်များက နိုင်ငံတော်အဆင့် လူကြီးများဖြစ်လျှက်၊ အစိုးရအဖွဲ့တွင် ပါဝင်လျှက်…။ ဆွမ်း ကွမ်း ကူညီမည့်သူမရှိဘဲ ရောက်ချင်တိုင်းရောက် ပေါက်ချင်တိုင်းပေါက် လျှောက်သွားကာ လမ်းပေါ်တွင် မူးမေ့လဲကျ၊ ပြန်ထလျှောက်နှင့် နောက်ဆုံးတွင် ရန်ကုန်ပြည်သူ့ဆေးရုံကြီးပေါ် ရောက်လာခဲ့သည်။ထိုအချိန်ကျမှ သူရိယသတင်းစာတိုက်ပိုင်ရှင် ဦးဗကလေး ဦးဆောင်ကာ ဆေးဝါးကုသပြီး ရဟန်းအချင်းချင်း ပြုစုနိုင်ရန် ညောင်တုန်းကျောင်းတိုက်သို့ ရွှေ့ပြောင်းခဲ့သည်။သို့သော်လည်း ရောဂါအခြေအနေမှာ ဆိုးသထက်ဆိုးဝါးလာကာ ၎င်းကျောက်တိုက်၌ပင် ပျံလွန်ခဲ့လေသည်။ ပျံလွန်ပြီး၍ ဈပနာ၌မူကား ဆရာတော်၏ ခန္ဒာသည် တစ်ဖန်ပြန်လည်၍ သေပန်းပွင့်ခဲ့သည်။ဈာပနသည် နိုင်ငံတော်အဆင့် ဈာပနဖြစ်ခဲ့သည်။အဖွဲ့အစည်း အသီးသီးနှင့် နိုင်ငံခေါင်းဆောင်များက လာရောက် ပို့ဆောင်ခဲ့ကြသည်။